Plaketten 2014
S‘ Ämmali get Vollgas ond startet döre! – EFK Fasnachtsplakette 2014 – entworfen von Kurt Amrhein aus Ebikon
Prägewerkzeug-Sponsor 2014
Gloggner 2Rad Emmen, Müller 2Rad emmen, 2-Rad Center Schürch
Plakettengeschichte
Baum för Baum esch klaglos gfalle;
jetzt stoht är wie en lääri Halle
de Galgewald! Esch bloss no Gschecht,
uf schöne Tafele en Brecht!
S‘ Ämmali tuet’s grüüsli ploge!
Äs tuet sech au chuum no woge,
in Ämme chli go Omschau z‘ halte:
S‘ verschwendid alti, s‘ erwachid neui Baute…
Z‘ bliibe schinnt chuum me en Stäi!
S‘ Ämmali fühlt sech gar eläi;
wien es Relikt us alte Tage!
Fascht scho chämti äs is Chlage!
Aber denn chonnd’s ehm in Chopf:
ÄS esch no lang käi alte Zopf!
1x im Johr tuets töchtig giire
ond in Ämme Fasnacht fiire!
„Jetzt erscht rächt!“, tuet äs sech säge,
ond äs leitet alls i d‘ Wäge,
dass i dene närrische Stonde,
mänge Schmärz werd öberwonde!
Wenn ÄMME so cha Vollgas gäh,
well s‘ Ämmali das öbernäh,
ond drom so rechtig dörestarte!
Jo, mier mögid chum no gwarte!
S‘ Ämmali tuets Euch verkönde:
am 1. Hornig* tuet äs d‘ Fasnacht zönde!
Chom mach met, gang ned is Näscht!
d‘ Ämmer Fasnacht werd es Fäscht!
*alter Name für Februar