Plaketten 2024
" s Ämmali im Baufieber"
Werkzeug-Sponsor 2024:
" Ä rüüdig schöni Ämmer Fasnacht wünscht der René Marti"
Plaketten – Verkaufsorte:
- Blumen Galliker
- Drogerie Meister
- Raiffeisenbank Sprengi
- Bäckerei Emma’s Sonnenplatz
- Bäckerei Emma’s Schützenmattstrasse
- Blumen Suter
- Hallenbad Mooshüsli
- Coiffeur Tanya Buser
- Chapbebarr
- Coiffeuer Gerliswilstrasse
- Sager Velos Motos
- Kirche St. Mauritius
- Kirche Gerliswil
- Bistro & Bar Tramhüsli
- Coiffure Straordinario
Mit dem Erlös der Plaketten finanziert das EFK den grossen Umzug mit. Wir bedanken uns bestens für Ihren Beitrag!
Plakettengeschichte
" s Ämmali im Baufieber"
Nach all de Fiirlichkeite letschts johr hed ämmeli e lange tüüfe schlaf im Gaugewaud gmacht.
Träumt hät es vo de fiir met de Gruselige gstallte im Baraggedörfli letschts johr. Päng täsch schüttel. Met eme schrei ischs ämmeli us erem schöne Traum ufgsreckt. Öberall stönd boumaschine Bagger und chräne um si ome. S ämmeli isch so verschroke vor dene komische Tier us Metall das sie mir nix dir nix defo gsprunge isch ah de ämme entlang. Kei stei me ufem andere alles gsehd andersch us. Verschreckt staht sie zwösche Hochhüüser und weiss gar nömme so gnau wo sie eigentlich isch. Öberall um sie ume Hochhüüser s ämmeli gsehd de nachthimmel fascht nömm. Schnell nimmt si e bäse bem Kino schwingt sich druuf und erhebt sich id luft. Hei gsehd das da komisch us. Jetzt aber schnell schnell es isch glii so wiit. Im Baragedörfli daf sie weder fiire met all ihrne liebe Gstalte. Sie flüügt de bärg deruf und gsehd im Schaufänschter ihri verdschuddereti Friisur. Ei Coiffeur nach em andere hets da, s ämmeli cha sich eifach ned entscheide stibizt e börschte und fahrt sich dur iri vertschuddlete har. Jetzt muessi aber rüüdig pressiere damit ich no rächziitig im Baraggedörfli be- schöscht findet d plagetteabgohb vom ämmer fasnachtskomitee no ohni mech statt.seid s ämmeli zu sich sälber.
Schnell wie de Wind braust sie ah all dene neue Gebäude verbii is Baraggedörfli wo scho all ihri Fründe und Gstalte uf sie wartet. Zäme stossed sie ah uf die schönschti aller 5 Jahresziite.
Mer seid ah säb em Abig hed e Coiffeur no ganz lang nach sinere Bürschte gsuecht und wemmer ganz still isch ghört mer ne höt no flueche.